ونيجي ندخل القائمه نلاقي اختيارات كتيرة ومختلفة ومش عارفين ايه وظيفة كل واحدة فيهم ؟
هنشرح وظيفة كل إختيار فيهم و إختيار الخيار الصحيح لكل مشكلة .
1- الإختيار الاول :
إعادة تعيين جميع الأعدادات
Reset All Settings
* ودا وظيفته بيرجع اعدادات الجهاز لوضع المصنع من غير مايمسح أي داتا من جهازك
ويستخدم عادة في حل مشكلات تعليق النظام
ويساعد في حل الكثير من المشاكل اللي بتواجة النظام في هاتف الايفون .
2- الإختيار التاني :
مسح جميع المحتويات والاعدادات
Erase All Content and Setting
* انت كدا هتعمل فورمات ، يعني هيمسح كل البيانات بالجهاز ومش هتقدر تسترجع البيانات بعد إختيار المسح ودي قبل ماتفكر تعملها لازم تاخد باك اب للداتا بتاعتك كلها مسبقاً
3- الإختيار الثالث :
إعادة تعيين اعدادات الشبكة
Reset Network Settings
* يستخدم في حل المشاكل اللي بتواجهك في الشبكة أو اَي مشكلة بتواجهك ف الاتصال بالواي فاي
ضعف الشبكة ، لاتوجد خدمة ، عدم ظهور شبكة 4g ، عدم الاتصال بالواي فاي .
مفيش أي خطر على بيانات الجهاز لو عملت ريسيت للشبكة
4- الإختيار الرابع :
إعادة تعيين قاموس لوحة المفاتيح
Reset Keyboard Dictionary
* بيعيد ضبط لوحة مفاتيح الايفون لوضعه الافتراضي في حالة إضافة إختصارات أو تعديلات
5- الإختيار الخامس :
إعادة تعيين شكل الشاشة الرئيسية
Reset Home Screen Layout
* ودا بقي بيعيد ترتيب التطبيقات في الشاشة الرئيسية حسب الأحرف الأبجدية باللغة الأنجليزية ، ويحذف المجلدات المضافة في الشاشة
6- الإختيار السادس والأخير :
إعادة تعيين الموقع والخصوصية
Reset Location & Privacy
* والاختيار دا بيحذف السماح بالموقع من كل التطبيقات اللي بتستخدمها ، بحيث لو هتدخل على التطبيق هيطلب منك السماح بالموقع من جديد .
تعليقات
إرسال تعليق